معاهدة مع من لا عهد لهم

كامب الحاج ديفيد

إزاى؟؟ ليه!!

للى مايعرفش هى عبارة عن ايه اسمحلى اقولك

معاهدة كامب ديفيد هى اتفاقية تم التوقيع عليها عام 1978 وبالتحديد فى 17 سبتمبر بين رئيس الجمهورية آنذاك محمد انور السادات ورئيس وزراء (صهيائيل) مناحيم بيجن فى المنتجع الرئاسى كامب ديفيد بأمريكا تحت اشراف رئيس الولايات المتحدة الامريكية فى ذلك الوقت جيمى كارتر والشهادة لله كانت هى السبب فى تسلم السادات جايزة نوبل :D

دى نبذه عن ظروف المعاهدة اما بالنسبه للنص فى اللينك اللى جاى دا نصها اللى ارجو يكون مظبوط الى حد كبير ومرفق فى الرابط المراجع اللى تم الحصول على بنود المعاهدة من خلالها وممكن يكون فى بنود مش معلن عنها واهو الرابط

http://www.shabab3net.com/vb/showthread.php?t=12059&page=1 مع العلم ان الملاحق اللى تم ذكرها فيها بلاوى لانها بتذكر قد ايه احنا كجيش مصرى وكشعب ودولة ليها سيادتها تم هضم حقوقها على ارضها وقد ايه احنا ملناش حق فى اراضينا فى سينا وقد ايه الجيش مش بيتحرك على ارضه زى ما هو المفروض يحصل دا غير ان قواتنا مش موجوده اساسا على الحدود :D موجوده بإستهبال يعنى اكنهم رايحين فسحه وقد ايه احنا مستنيين اللقمه من امريكا

اعداد ضئيلة من الجيش والبوليس المصرى!!

اسلحة تحس انها لعب اطفال بأعداد مستفزة تحس انه اصلا مفيش اسلحة!!

دا غير ان الارض اصلا مش كلها بتاعتنا زى (ايلات) اللى هى اصلا (ام رشراش) اللى الناس فكراها اسرائيلية مع الاسف!!

بدل ما اكتب التفاصيل اللى هتوضح وتثبت كلامى :

 فى كتيب مؤخرا قرأته للأستاذ محمد سيف الدولة مشهور اوى وحاز على اعجاب العديد من حيث التلخيص والتبسيط للمصايب اللى اتسببت فيها المعاهدة لو قريته مع الاسف هتلعن اليوم اللى وقعنا فيه معاهدة زى دى الكتيب اسمه

(الثورة على الكتالوج الامريكى)

انا مش المهم عندى اشرح بالتفصيل ولا اقول نصوص المعاهدة عشان دا هايحتاج كتب وصفح كتير اوى مش حتة تدونية صغيرة انا بس حطيت رابط ملخص للبنود وكتيب فيهم المختصر المفيد

اللى عايزة اقوله معاهدة العار دى اللى هى جابتنا ورا مليون خطوة ازاى متتلغيش

هتحصل حرب عاااااااااادى لو حصلت كدا كدا ربنا كاتب اننا نقف قدامهم مش هتفرق وبعدين احنا هنخاف من ايه نعيش بكرامة احسن ما نتذل لأمريكا وبنتها فى الرضاعة

انزل بكرا يوم سته اكتوبر معانا انا وكل الناس اللى عايزة تقول لأ للذل لأ للعار لأ لإهانة الكرامة لأ لسرقة أرضنا وقتل جنودنا على الحدود عينى عينك وكمان منفتحش افواهنا لأ للتبعية لأمريكا والسكوت على دلع بنتها

يوم سته اكتوبر زى ما (شرفاء) الجيش المصرى خير أجناد الارض انتصروا على الصهاينه زى ما ان شاء الله (شرفاء) الجيش والشعب هايقولوا لأ للمعاهدة عشان ام رشراش ترجعلنا هى وكل سينا عشان جنودنا اللى استشهدوا على الحدود حقهم يرجع لهم عشان جنودنا اللى استشهدوا فى حرب 73 يبقوا سعداء فى المكان اللى هما فيه

كلنا لازم نقول لأ عشان يبقى لينا سيادة على ارضنا ونقدر نتنفس عشان منصدرش غاز يتقتل بيه اطفال ابرياء ملهمش ذنب فى فلسطين عشان النور هنا مايقطعش عشان احنا اصلا مش لاقيين غاز ونديه لغيرنا وعشان بعد كام سنه ممكن منلاقيش الغاز دا اصلا

كلنا لازم نقول لأ عشان منشحتش اللقمه من امريكا ونمشى وراها ونعمل اللى هى عايزاه اللى ضد ارادتنا

كلنا لازم نقول لأ عشان يوم ما نقسم حتى اللقمه من امريكا منقسمهاش مع (صهيائيل)

كنا لازم نقول لأ عشان نعرف نعيش

بكرامة وحريه

شكرا

بداية المدونة رأيى فى طنطاوى من غير شتيمه اهو:D

بقا الباشا الكبير راح المحاكمة صلاة النبى (ص) وادلى بشهادته جميييييييييل


ناس تقولك دا ابن الناس الكويسة قال ان مبارك مقلش نضرب نار
جالك اليوم الساقع تقولك لاااااااا دى اوشااااااعه ومصدر ضخم اوى اوى من ضخامته هدومه اتقطعت من عليه قالك لااااااااا طنطاوى حلو ومش دى الحقيقة الكاملة وراء اختفاء السوفينه تايتانيك
طنطاوى قال الحق عيب متقولش لأ


وما بين كدا او كدا مش مرتاح انا :D
 هفصص الليلة بعد اذن سيادتكم.....
 طنطاوى لو كان قال مبارك مداش امر بإطلاق النار يبقى اشطا جدا مفيش مشاكل


رقم واحد:مبارك مستنياه المفروض تهم كتيرة اهمها تهمة وأد بهية (ابن الكلب قتل امى بالحيا) يعنى لو مداش امر بإطلاق النار ف مفيش ايتوها موشكل


رقم اتنين:اشطااااااات اوى مش فى ناس كتير بتقول يا شباب الثورة يا وحشين المجلس هو اللى حمينااااااااا وهو صمام الامان على اساس اننا مراحيض عامة وهو الصمام لا ننفجر ونطرطش على بعض
اهو بقا دا اكبر دلييييييييل ان المجلس لا حمى ولا دياولو المجلس كان موقفه حيادى لأقصى درجة مستفزة واكبر دليل يوم موقعة الجحش لما فتح المداخل كلها لقوافل اهل قريش اللهم إلا أسد التحرير النقيب ماجد بولس ورفيقه فى السلاح
تعظيم سلام يا بطل انت وابطال 8 ابريل :)


رقم تلاته:اما لو كانت فعلا مش هى دى الحقيقة وان طنطاوى قال حاجة تانيه يعنى مثلا ان مبارك ادى امر او اى نيلة ف برضو اشطا النتيجه معروفة مع ان الاحتمال الاول مع الاسف هو الاقرب للحقيقة لانى مش بصدق اليوم الساقع فى اى خبر تنزله وهو دا مصدرى اللى جانب بعض الصفحات على الفيس بس برضو مش واثقه لانى سمعت ان البشوات ابناء مبارك(البلطجية)(اللى خربوا البلد) هللوا وهيصوا وهما واقفين برا عند لحظة الادلاء بالحكم


ملحوظة مهمة الفيديو اللى بيقول فيه طنطاوى اننا تاعهدنا اننا مش هنضرب رصاصة فى الشعب برضو مش اعتراف هو مقلش مبارك قالنا نضرب فى الشعب هو قال اننا واخدين عهد اننا منضربش يعنى مع الاسف مش دليل انا عيدته كذا مرة واتحسرت يعنى محدش يفرح ويفتكره ذله عليه دا راجل سووووووووووووووووسا وانا عرفاه :D حويط رصيف نمرة خمسة دا
بعيدا عن كل الرغى دا


طنطاوى ازاى اصلا تتوقعوا انه يبقى شاهد اثبات وهو اصلا مطلوب من قبل محامي مبارك يعنى شاهد (نفي) فطبيعى مع الاسف انه يوكسنا وكسة سودا


واحد كان فى حضن مبارك سنيييييييين طويلة طبيعى انه يوكسنا وكسة خضرا


واحد كان فى وزراة مبارك ووافقنا نحط ايدنا فى ايده بالعااااااافية عشان البلد تعدى المرحلة دى لبر الامان مع انه المفروض كان اتشال فى الوزراة اللى اتشالت فطبيعى انه يوكسنا وكسة زرقا


 واحد ساكت طول حياته وخيال مآته ولا بينطق فى اى موقف يوم ما نطبق نطق كفرا فطبيعى يوكسنا وكسة فحلقى


واحد مش حاسس بينا احنا الحرافيش ولا ثار على مبارك ولا وقف قصاده فى ظلمه طول السنين اللى فاتت فطبيعى يوكسنا وكسة بنفسجى


واحد سكت على خروج سوزى مراة سوسو مبارك من قضية مكتبة الاسكندرية دا غير البلاوى التانيه فطبيعى يوكسنا يوكسة صفرا


واحد وانا بكتب عليه مقال وبقول فيه مجرد رأيى لا بشتم ولا بدعى لا سمح الله ممكن بسببه اتحاكم عسكريا وبسببه حاسين اننا كنا ايام مبارك بتكلم وبنشم كمان براحتنا اكتر من كدا ولا فى عسكرية ولا شوقية مع اننا بنقول رأينا ومتهيألى كل واحد حر فى رأيه
دا حتى واحد قال انه مش خارج من الوزراة غير على موته فطبيعى يوكسنا وكسه (حمرا)


ولا عزاء للحرافيش

شكرا